Armeniasputnik.am-ը գրում է.

ՀՀ երկրորդ նախագահ, «Հայաստան» դաշինքը գլխավորող Ռոբերտ Քոչարյանը քվեարկեց Երևանի 7/3 ընտրատեղամասում։ Նա եկել էր ընտրության կնոջ՝ Բելլա Քոչարյանի հետ։

Второй президент Армении Роберт Кочарян во время внеочередных парламентских выборов в Армении (20 июня 2021). Еревaн

Լրագրողների առաջին հարցին՝ որքա՞ն է գնահատում իր շանսերը, Քոչարյանը արձագանքեց. «Կասկածո՞ւմ եք»։

«Առաջին հերթին քվեարկել եմ հանուն արժանապատիվ խաղաղության և տնտեսական վերելքի։ Սա է իմ ընտրությունը», - ասաց Քոչարյանը։

Նա նշեց, որ բազմաթիվ դեպքեր են գրանցվել ընտրախախտումների մասին՝ ներառյալ «Հայաստան» դաշինքին նմանակող քվեաթերթիկները՝ «Հայասպան» անվան տակ։

«Արդեն կան կադրեր ցանցում և այն փաստը, որ դեռևս հայտնաբերված չէ, թե դա ով է արվել, մեծ կասկած է հարուցում, որ դա կատարվում է իշխանության կողմի կամ նրանց ուղղորդմամբ։ Եթե մեկ-երկու ժամվա մեջ չհայտնաբերվեն անողները, մենք կհայտարարենք, որ դա արվում է իշխանության ուղղորդմամբ», - ասաց երկրորդ նախագահը։

Անդրադառնալով «Իզմիրլյան» բժշկական կենտրոնի տնօրեն Արմեն Չարչյանի ձերբակալությանը՝ Քոչարյանն ասաց, որ որևէ հիմք չկար ձերբակալության։

«Ինքն իր կարծիքն է ասել, չեմ կարծում որևէ ճնշման առիթ կար այնտեղ», - ասաց երկրորդ նախագահը։

Լրագրողների հարցին՝ կլինե՞ն արդյոք հետընտրական զարգացումներ, Քոչարյանը ասաց՝ մի՛ վռազեք։

«Առաջ չընկնենք, մեկ-երկու օրից պարզ կդառնա», - ասաց նա։

Նա նաև խոսեց ՀՀ կյանքում Կարեն Կարապետյանի հնարավոր դերի մասին։ 

«Ակնհայտ է, որ Կարեն Կարապետյանը մեզ աջակցում է, սակայն ինչպիսին կլինի նրա հետ համագործակցությունը, պարզ կդառնա ընտրությունների հետո», - ասաց Քոչարյանը։



Read more: https://armeniasputnik.am/politics/20210620/27994114/kaskatsum-eq-robert-qocharyany-katarec-ir-yntrutyuny-ev-gnahatec-ir-shansery.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել