News.am-ը գրում է․
Ադրբեջանցիների ներխուժումը Հայաստանի Հանրապետության տարածք ուղղակի ոտննձգություն է սուվերեն պետության նկատմամբ: Այս մասին NEWS.am-ի հետ զրույցում ասաց «Կարին» համույթի գեղարվեստական ղեկավար, Արցախյան պատերազմների մասնակից Գագիկ Գինոսյանը։
«Շատ ցավալի է, որ այդ ամենը տեղի է ունեցել Լավրովի այցից հետո եւ ինչ-որ մի խորհրդավոր, կամ ոչ խորհրդավոր կապ կա, որովհետեւ ռոսւական կողմն ասում էր, որ այդ լճերի կողքով պետք է ճանապարհ ապահովվի դեպի Նախիջեւան: Այս ամենը այդ աշխատանքի նախաբան կարելի է դիտարկել եւ մատ թափ տալով ալիեւյան այն մոտեցումը, որ եթե հայերը միջանցք չտան, մենք ուժի զոռով էլ կանենք: Այտեղ ամենացավալին այն է, որ Պուտինն ասել է` կարեւորը հրադադարի պահպանումը, եւ ոչինչ էն որ եր սուվերենությունն է ոտնահարվել: Այտեղ կարելի է շատ խորը մտածել, ես կարծում եմ, որ ՀԱՊԿ-ը կամ ինչ-որ մեկը մեզ էս պարագայում օգնության ձեռք կմեկնի միամտություն է: Եւ երկրորդ սա մեր լրջագույն բացթողումն է, քանի որ եթե 3,5 կմ եկել են ՀՀ տարածք եւ որեւէ մի զինվորական չի եղել եւ ոչ էլ սահմանապահ զորք է եղել, նշանակում է ե΄ւ ՊՆ-ն, ե΄ւ սահմանապահ զորքերը, ե΄ւ ԱԱԾ-ն պետք է պատասխան տան, թե ինչպես է դա ստացվել»,-ասաց նա:
Գինոսյանի խոսքով` ծիծաղելի են ուղղակի այն արդարացումները, որ ձմեռ է եղել եւ սահմանագիծը այդ պատչառով չի կահավորվել:
«Փոխանակ ամբողջ երկիրը տեղափոխեն ռազմական ռելսերի վրա եւ անգամ իրենք սովի մեջ նստեն եւ մի գրոշ անգամ այլ տեղ չծախսեն` բացի Ազգային անվտանգությունից եւ պաշտպանությունից, Երեւանում են ասֆալտ անում: Փաստորեն իրենց համար դա երկրորդական հարց էլ չէ, երբ պատերազմից 6 ամիս անց ուղեկալներ չեն դրվել: Մեր իշխանությունները օր առաջ իրենց հրաժարականը ներկայացնելու խնդիր ունեն, որովհետեւ իրենք չեն տիրապետում իրավիճակին: Հիմա ինչ արդարացում կարող եք բերել, որ հակառակորդը առանց որեւէ մի կրակոցի 3-4 տեղ մտել է մեր տարածք եւ տեղակայվել է, ու չի էլ ուզում դուրս գալ»,-ասաց նա:
Գինոսյանը կարծում է, որ բանակցություններով հարցը չի լուծվի, հարցը միայն կլուծվի ուժի դրսեւորմամբ:
«Ով որ մտել է ՀՀ տարածք ու ոտնձգություն է կատարել, պետք է պատժվի, տեղում պետք է հարցը լուծվի: Այսինքն ինչ, թողնենք մինչեւ Երեւան գան, մենք էլ հրադադարի ռեժիմը պահպանե՞նք: Փոխանակ մենք բանակը վերազինենք, մեր իշխանությունները զբաղված էին բանակը կազմաքանդելով: Ուղւակի պետք է նրանց ուժով դուրս հանել, այլ կերպ չի լինելու»,-ասաց նա:
Նշենք, որ մոտ 10 օր է ադրբեջանցիները Գեղարքունիքի եւ Սյունիքի մարզերում հատել են ՀՀ տարածքը եւ չեն հեռանում: