Pastinfo.am-ը գրում է.
Ռուսաստանը մշտական կապի մեջ է Բաքվի եւ Երեւանի հետ, ջանքեր են գործադրվում Հայաստանի եւ Ադրբեջանի սահմանին լարվածությունը լիցքաթափելու համար։ ՌԴ նախագահ Վլադիմիր Պուտինը կողմնակից է եռակողմ պայմանավորվածությունների կատարմանն առանց այլընտրանքի։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը: Գրում է «Ռիա Նովոստին»։
Նախորդ շաբաթ Հայաստանի վարչապետի պաշտոնակատար Նիկոլ Փաշինյանը խորհրդարանի արտահերթ նիստի ժամանակ հայտարարել էր, որ նամակ է հղել Վնադիմիր Պուտինին ՝ օգնություն խնդրելով, այդ թվում ՝ ռազմական, քանի որ Սյունիքի մարզը գտնվում է Ադրբեջանի հետ սահմանին։
«Դուք գիտեք, որ ռուսական և հայկական կողմերը մշտապես կապի մեջ են։ Մենք մշտական կապի մեջ ենք նաև Բաքվի հետ։ Նախագահը կողմնակից է եռակողմ պայմանավորվածությունների կատարմանն առանց այլընտրանքի։ Այժմ ակտիվ ջանքեր են գործադրվում լարվածությունը լիցքաթափելու եւ իրավիճակը շտկելու համար», - լրագրողներին ասել է Պեսկովը։
Հարցին, թե արդյոք ՌԴ նախագահը ստացել է Փաշինյանի նամակը, Կրեմլի ներկայացուցիչը դժվարաել է պատասխանել.
«Ես հաստատ չեմ կարող ձեզ ասել, բայց այդ բոլոր հարցերը, բնականաբար, բազմիցս քննարկվել են երկկողմ շփումների ընթացքում», - ասել է Պեսկովը:
