Armsport.am-ը գրում է.
«Յուվենտուսի» ֆուտբոլիստները կորցրել են հավատը թիմի գլխավոր մարզիչ Անդրեա Պիրլոյի նկատմամբ:
Tuttojuve-ն հայտնում է, որ այս պահին իտալացի մասնագետի և ակումբի ֆուտբոլիստների հարաբերություններն ամենացածր մակարդակում են: Ֆուտբոլիստները չեն ցանկանում իրենց վրա վերցնել «Յուվենտուսի» աղետալի մրցաշրջանի պատասխանատվությունը: Վերջին մի քանի շաբաթների ընթացքում կողմերի հարաբերությունները սրվել են:
Բացի այդ, թուրինյան ակումբի խաղացողներին դուր չի եկել Պիրլոյի հրապարակային հայտարարությունները կիսապաշտպան Ուեսթոն Մաքքենիի ավելորդ քաշի վերաբերյալ: Ֆուտբոլիստները կարծում են, որ այդպիսի բաներ չպետք է ասվեն լրատվամիջոցներին:
Ավելի վաղ «Յուվենտուսի» փոխնախագահ Պավել Նեդվեդը հայտարարել էր, որ Պիրլոն հաջորդ մրցաշրջանում կշարունակի մարզել թիմը:
