Pastinfo.am-ը գրում է.
Խորհրդարանն առաջին ընթերցմամբ ընդունեց ՀՀ քրեական օրենսգրքում և կից ներկայացված օրենքներում փոփոխությունների փաթեթը՝ 79 կողմ, 2 դեմ ձայների հարաբերակցությամբ:
Հիշեցնենք որ նախագծով առաջարկվում է պատասխանատվություն նախատեսել, երբ ընտրական գործընթացի խոչընդոտման հետևանքով տեղամասում քվեարկության արդյունքները անվավեր են ճանաչվում,ինչպես նաև առաջարկվում է քրեական պատասխանատվություն նախընտրական քարոզչության խոչընդոտման, տեղամասային կենտրոնում կամ տեղամասի մուտքի մոտ բռնություն գործադրելու կամ դրա սպառնալիքի համար:
Խորհրդարանը 79 կողմ, 2 ձեռնպահ ձայների հարաբերակցությամբ առաջին ընթերցմամբ ընդունեց նաև Հարկային օրենսգրքում փոփոխությունների փաթեթը:
Նշենք, որ ԱԺ արտահերթ նիստում ներկայացված նախագծերը երկրորդ ընթերցմամբ կքննարկվեն ու կքվեարկվեն 24-ժամյա ռեժիմով:
