Pastinfo.am-ը գրում է․
«PARA TV»-ի տնօրեն, Սյունիքի նախկին մարզպետ Վահե Հակոբյանի կինը՝ Էլիզաբեթ Պետրոսյանը, ՊԵԿ քննչական վարչություն է հրավիրվել՝ վկայի կարգավիճակով, պատասխանել հարցերին։ Այս մասին «Փաստինֆո»-ի հետ զրույցում ասաց Վահե Հակոբյանը։
Նրա փոխանցմամբ՝ անհասկանալի է, թե ինչու է կինը հրավիրվել ՊԵԿ, նրան անհասկանալի ինչ-որ գործերի մասին են հարցեր տվել՝ «PARA TV»-ի հետ առնչվող եւ չառնչվող, եւ այլ տարաբնույթ հարցեր։
«Փաստաբաններից իմացանք, թե ինչի մասին է խոսքը, բայց մեզ համար անհասկանալի է։ Ինչ- որ հիմնարկներից և կառույցներից են հարցնում, որոնց հետ առհասարակ առնչություն չունենք։ Սա միանշանակ քաղաքական հետապնդման շարունակությունն է»,- նշեց նա՝ հավելելով, որ Պետրոսյանն արդեն մոտ 30-40 րոպե է, ինչ դուրս է եկել ՊԵԿ քննչական վարչությունից։
Նյութի աղբյուր՝ https://www.pastinfo.am/hy/news/2021/04/26/rawai2qgq/1191169
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել