Armeniasputnik.am-ը գրում է.
Մադրիդի նորաձևության շաբաթվա ընթացքում դիզայներները ներկայացրել են 2021-2022 աշուն-ձմեռվա միտումները, որոնք առանձնանում են համարձակությամբ։
Մադրիդում կազմակերպված միջոցառման ընթացքում անհավանական ֆուրոր է առաջացրել իսպանացի դիզայներ Անդրես Սարդը, որի հավաքածուն ցուցադրել են կիսամերկ մոդելները։
Իսկ դիզայներ Ագաթա Ռուիս դե լա Պրադան, ինչպես միշտ, աչքի է ընկել իր հագուստների նրբագեղությամբ։ Նրա շոուն ասոցացվել է մանկություն տանող ճանապարհորդության հետ։
Հանիբալ Լագունան էլ որոշել է ևս մեկ անգամ հիշեցնել կորոնավիրուսի մասին։ Բոլոր մոդելները բեմ են բարձրացել տարբեր գույների և գործվածքների խորհրդանշական դիմակներով:
Իսկ դիզայներ Մայա Հանսենը որոշել է օգտագործել բժշկական հատուկ համազգեստի մեկ բաղկացուցիչ, և նրա մոդելների մեծ մասը ներկայացել են պաշտպանիչ ակնոցներով ու վահաններով:
