News.am-ը գրում է․
Սուեզի ջրանցքի իշխանությունները քննարկում են ջրուղու հարավային մասն ընդարձակելու հարցը, որտեղ Ever Given բեռնանավը ծանծաղուտի մեջ էր խրվել: Այս մասին հայտարարել է Սուեզի ջրանցքի վարչության ղեկավար Ուսամա Ռաբին, փոխանցում է Reuters-ը:
Նրա խոսքով՝ ուսումնասիրվում է նաեւ կռունկներ գնելու հնարավորությունը, որոնք պոտենցիալ կերպով կարող են բեռներ բեռնաթափել մինչեւ 52 մետր բարձրության վրա: «Մեր ընթացակարգերը հուսալի են, մենք պարզապես ձգտում ենք բարելավել սպասարկումը»,- ասել է նա:
Մարտի 23-ին 400 մետր երկարությամբ Ever Given նավը ծանծաղուտի մեջ էր խրվել՝ արգելափակելով ջրանցքի հարավային մասը: Այն կնագնած էր մնացել վեց օր՝ թույլ չտալով հարյուրավոր նավերի անցնել եւ զգալի կերպով ազդել էր համաշխարհային առեւտրային հոսքերի վրա:
Երբ նավը հանվեց ծանծաղուտից, այն տեղափոխվեց ջրանցքի երկու հատվածները բաժանող լիճը, որտեղ Սուեզի ջրանցքի վարչությունը (SCA) հետաքննություններ էր անցկացնում: Ռաբին ասել է, որ նավի ինքնաձայնագրիչների տվյալները փոխանցվել են հետաքննող հանձնաժողովին, իսկ ընթացակարգերն ավարտվելուն պես նավը կշարունակի ճանապարհը:
