Tert.am-ը գրում է.
Ակնկալում էինք, որ գոնե Սուրբ Զատիկի մեռելոցը կլինի ոչ աշխատանքային։ Այս մասին Tert.am–ի հետ զրույցում ասաց Տեր Եսայի քահանա Արթենյանը՝ անդրադառնալով Սուրբ Հարության տոնին հաջորդող օրվա՝ մեռելոցի աշխատանքային լինելուն։
Հիշեցնենք, որ տաղավար տոների հաջորդ օրը մեռելոց է, սակայն կառավարության որոշմամբ է այն լինում աշխատանքային կամ ոչ աշխատանքային։
Քահանան անհասկանալի համարեց, որ հենց այս տարի այն աշխատանքային է, թեև նշեց, որ ավելին չէին էլ սպասում, քանի որ նախկինում էլ մեռելոցների հետ կապված նման վերաբերմունք կար այս կառավարության կողմից։
«Պետք է հաշվի առնել, որ այս տարի այսքան զոհեր ունենք, այսպես թե այնպես, մարդիկ գնալու են մեռելոցին գերեզմանոցներ, այնպես որ, կարելի էր այդ օրն ընդառաջել և դարձնել ոչ աշխատանքային»,–ասաց նա և նշեց, որ սա ինչ-որ կերպ նաև հարգալից կլիներ մեր ննջեցյալների նկատմամբ։
«Ես կուզեմ այս ամենից հետո մենք պարզապես կարողանանք հարություն առնել, հավատքով, մեկս մյուսի նկատմամբ ունեցած սիրով և մեր կյանքը ապրել այնպես, որ մեր նահատակ զինվորների զոհաբերությունն իզուր չդառնա»,–ասաց նա։
Ամբողջական հոդվածը կարող եք կարդալ այստեղ
