Panorama.am-ը գրում է.
Covid-19-ի հակահամաճարակային կանոնների պահպանման նպատակով ՀՀ քաղաքաշինության, տեխնիկական և հրդեհային անվտանգության տեսչական մարմնի մասնագետներն Առողջապահական և աշխատանքի տեսչական մարմնի մասնագետների և Ճանապարհային ոստիկանության ծառայողների հետ համատեղ շարունակել են իրականացնել մշտադիտարկումներ և վերահսկողական աշխատանքներ հանրային տրանսպորտի անվտանգ գործունեության նկատմամբ։ Այս մասին հայտնում են ՔՏՀԱՏՄ-ից։
Ըստ այդմ՝ մարտի 17-ին մայրաքաղաք Երևանում դիտարկվել է 80 տրանսպորտային միջոց, կազմվել 17 վարչական արձանագրություն, որոնք բոլորն էլ վերաբերել են վարորդների կողմից դիմակ չկրելուն։
Գեղարքունիքի մարզում Տեսչական մարմնի տարածքային բաժնի աշխատակիցները համաճարակի կանխարգելման միջոցառումներ և մշտադիտարկումներ են կատարել 13 տրանսպորտային միջոցի նկատմամբ, իսկ Վայոց ձորի մարզում դիտարկվել է 6 ներմարզային և 1 միջմարզային երթուղիները սպասարկող ընկերությունների գործունեությունը։
Ամբողջական հոդվածը կարող եք կարդալ այստեղ:
