Hraparak.am-ը գրում է.

Պետական պաշտոնյաները, բարձրաստիճան զինվորականները շարունակում են այցելել Եռաբլուր, սպարապետ Վազգեն Սարգսյանի ծննդյան օրն է։

Քիչ առաջ այստեղ էր նաեւ ՀՀ նախկին ոստիկանապետ, այժմ ՊՆ փոխնախարար Արման Սարգսյանը, որը նույնպես խուսափելով լրագրողների հարցերից՝ ամեն գնով փորձում էր շուտ հասնել իր ավտոմեքենային։

Լրագրողների հարցին, թե  պաշտպանության նախարարությունը ճշտե՞լ է, օրինակ, Որոտանի հարակից տարածքում ադրբեջանցիները ինժեներական ինչ աշխատանքներ են կատարում, Սարգսյանը արձագանքեց.« Անպայման դրա մասին կխոսենք։ Գիտեք , որ կա Սյունիքի հարցերով զբաղվող աշխատանքային խումբ, դրա շրջանակներում մենք ամեն դեպքում տեղեկատվություն տալիս ենք, մենք ամեն ինչ կտրամադրենք»,- ասաց Սարգսյանը։ 

Լրագրողների ճշգրտմանը, այսինքն կարելի է ենթադրել, որ սյունեցիները անհանգստանալու կարիք չունե՞ն, նա պատասխաեց. «Այո, սյունեցիները բացարձակ անհանգստանալու կարիք չունեն, ցտեսություն»,- ասաց ՊՆ փոխնախարարն ու նստեց մեքենան։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել