Tert.am-ը գրում է.
Ես ոչ մի դեպքում չեմ կարող ասել, որ Արցախը հանձնված է, ես կարող եմ ասել, որ կորսված է: Այս մասին լրագրողների հետ զրույցում ասաց ԱԺ «Իմ քայլը» խմբակցության պատգամավոր Արման Եղոյանը:
Դիտարկմանը, որ Իշխանաձորով ճանապարհ են բացել թշնամու համար, պատգամավորն ասաց, որ թշնամին եկել է ու մնացել:
«Այնտեղից հարձակում պետք է լիներ, ենթադրվում է դեպի Լաչին և այդ հարձակումը չի եղել, որովհետև այնտեղ, ի հեճուկս որոշ գործիչների հայտարարությունների, այո, նաև մեր Զինված ուժերն էր կանգնած: Ադրբեջանցիների Իշխանաձոր հասնելուց հետո այդ բնագծում եմ եղել ու իշխանաձորից կարծեմ մոտ 5 կմ հետո առաջացել են ու այլևս չեն առաջացել»,- ասաց պատգամավորը:
Պատգամավորի խոսքով՝ Արցախի, իրենց իմացած 12 հազար քառակուսի կիլոմետրանոց հանրապետության որևէ հողակտոր ինքնակամ չի տրվել հակառակորդին:
«Այն կա՛մ կորսվել է ուղղակի մարտական գործողությունների հետևանքով, կա՛մ օրինակ Քարվաճառը տրվել է որպես մարտական գործողությունների անուղղակի հետևանք»,- ասաց պատգամավորը:
Դիտարկմանը, թե ինչու են Սյունիքից հողատարածքներ զիջում, հատկապես, որ եռակողմ հայտարարությունում Սյունիքի մասին խոսք չի եղել, պատգամավորն ասաց, որ Սյունիքից ոչ մի դիրք չի զիջվել:
«ՀՀ Սյունիքի մարզն ունի իր սահմանները: Եթե դուք կարծում եք, որ այդ տեղը Գլխավոր շտաբը սխալ է որոշել, եկեք դուք նոր տեղ ասեք: Ասել թե GPS-ով է սահման որոշվում, նույնն է ասել, որ խոսափողն է խոսում, այլ ոչ թե ես»,- ասաց պատգամավորը:
Խոսելով Սյունիքի սահմանների մասին՝ պատգամավորն ասաց, որ ադրբեջանցիները պետք է մտածեն, որ եկել են անծանոթ միջավայր, սահմանի բերան, հայերով շրջապատված:
Ամբողջական հոդվածը կարող եք կարդալ այստեղ:
