Իրանը այս օրերին նշում է 1979թ․ տեղի ունեցած Իսլամական հեղափոխության 42-ամյակը։ Հայաստանի համար անչափ կարևոր նշանակություն ունի իրանցի բարեկամ ժողովուրդը։
2015-ից սկսած՝ բազմաթիվ անգամներ եմ եղել Իրանում, հանդիպել ինչպես ազդեցիկ հայկական համայնքի ներկայացուցիչների, այնպես էլ իրանական իշխանության բարձր պաշտոնյաների՝ նախագահի աշխատակազմի ղեկավար Վայեզիի, խորհրդարանի խոսնակ Լարիջանիի, ԱԳՆ մամուլի նախկին պատասխանատու, այժմ Ֆրանսիայում Իրանի դեսպան Ղասեմիի և այլոց հետ։ Երկուստեք կա բարեկամության և համագործակցության մեծ գիտակցում։
Շնորհավորում եմ իրանական բարեկամ ազգին և վստահ եմ՝ Հայաստանի և Իրանի բարեկամությունը կարող է հարատև լինել, բայց ցանկալի կլինի, որ Իրանի իշխանությունը երբեմն հաշվի առնի ոչ միայն տվյալ պահի շահը, այլև պատմական կապերը։
Սիրելի իրանական իշխանություն, երբ շնորհավորում եք Ադրբեջանին՝ այսպես կոչված հաղթանակի առիթով, հիշեք, ահաբեկիչների ձեռամբ Արցախից խլված հողերից այդ չարաբաստիկ ուղտը վաղը հենց ձեր դուռն է չոքելու, իսկ հայ ժողովուրդը ցավերը չի մոռանում։
Իրանը շրջափակված է բոլոր կողմերից, բացի ՀՀ արդեն 43կմ հատվածից։ Հենց դա է Իրանի կյանքի ճանապարհը ապագա մեծ պատերազմում։
Բարեկամ Իրանին ապագա հաղթանակներ եմ մաղթում։
Նյութի աղբյուր՝ https://www.facebook.com/nhokhikyan/posts/10158082729898831
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
