Armenpress.am-ը գրում է.
Ճգնաժամային կառավարման ազգային կենտրոն փետրվարի 7-ին, ժամը 22:05-ին ահազանգ է ստացվել, որ Երևանի Կարախանյան փողոցում այրվում է ավտոտնակ՝ վրան շինություն։ «Արմենպրես»-ին այս մասին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից:
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ հրդեհը բռնկվել է Կարախանյան փողոցի թիվ 38/4 շենքի մոտակայքում գտնվող երկհարկանի շինության 2-րդ հարկում։
Հրշեջ-փրկարարները հրդեհը մեկուսացրել են ժամը 22։20-ին, մարել՝ 22։44-ին։ Մոտ 20 քմ տարածքում այրվել են կենցաղային իրեր։
Նյութի աղբյուր՝ https://armenpress.am/arm/news/1042662.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել