Armsport.am-ը գրում է․
«ՌԲ Լայպցիգը» աշխատում է այն ուղղությամբ, որ Չեմպիոնների լիգայի 1/8-րդ եզրափակիչի «Լիվերպուլի» դեմ առաջին հանդիպումը չտեղափոխվի Գերմանիայից, հայտնում է Sky Sports-ը։
Գերմանական ակումբը իշխանություններին խնդրել է, որպեսզի թույլ տրվի մերսիսայդյան թիմին հատուկ կարգավիճակով գալ Գերմանիա, որը ավիոփոխադրումները Մեծ Բրիտանիայի հետ դադարեցրել է մինչև փետրվարի 17-ը կապված կորոնավիրուսի նոր շտամի տարածման հետ։
Եթե Գերմանիայի կառավարությունը «Լայպցիգին» համապատասխան թույլտվություն չտա, ակումբը պետք է փետրվարի 8-ին այդ մասին ծանուցի ՈՒԵՖԱ-ին ու դրանից հետո առաջարկի չեզոք դաշտ, որտեղ կարող են հասնել երկու թիմերը։
Եթե «Լիվերպուլը» չկարողանա գնալ Գերմանիա, իսկ «Լայպցիգը» այդ պարագայում չգտնի չեզոք դաշտ խաղն անցկացնելու համար, գերմանական թիմին կտրվի տեխնիկական պարտություն 0-3 հաշվով։
