Armsport.am-ը գրում է․

«Ռեալի» գլխավոր մարզիչ Զինեդին Զիդանի օգնական Դավիդ Բետոնին «Ալավեսի» դեմ Լա լիգայի 20-րդ տուրի խաղից հետո (4-1) պատասխանել է լրագրողների հարցերին։

«Շատ ուրախ եմ թիմի վերաբերմունքի համար։ Մենք լավ էինք պատրաստվել ու ֆենոմենալ խաղ ցուցադրեցինք։

Փոփոխություններ կատարելիս ես խոսում էի Զիդանի հետ։ Նա ուրախ է արդյունքի համար, ու խնդրել է շնորհավորեմ խաղացողներին իր կողմից։ Դա մի բան է, որը նա անելու էր, եթե լիներ այստեղ։ Նոր ոչինչ չկա։ Հուսով եմ՝ նա շուտով կվերադառնա»,-ասել է Բետոնին հետխաղյա ասուլիսում։

Զինեդին Զիդանը վարակված է կորոնավիրուսով ու այդ պատճառով էր բաց թողնում այսօրվա հանդիպումը։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել