ՀՀ արտաքին գործերի նախարար Արա Այվազյանը աշխատանքային այցով ժամանել է Վրաստան։ Այս մասին իր էջում գրել է ԱԳՆ մամուլի խոսնակ Աննա Նաղդալյանը:
«Ծինանդալում տեղի ունեցավ Հայաստանի և Վրաստանի արտգործնախարարների հանդիպումը, որի ընթացքում քննարկվեց երկկողմ հետաքրքրություն ներկայացնող հարցերի լայն շրջանակ»,- գրել է Նաղդալյանը:
Վրաստանի ԱԳՆ մամուլի ծառայությունը իր հերթին հայտնել է, որ Այվազյանին ընդունել է նրա վրացի գործընկեր, փոխվարչապետ Դավիթ Զալկալիանին։
Նշվում է, որ նրանց ճանաչողական հանդիպումը տեղի է ունեցել Կախեթի մարզի Ցինանդալի գյուղում։
Ոչ պաշտոնական հանդիպման ընթացքում արտգործնախարարները քննարկել են Վրաստանի և Հայաստանի բարիդրացիական հարաբերությունները, համագործակցության ընթացիկ օրակարգը և հարաբերությունների հետագա խորացման հեռանկարները:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել