Pastinfo.am-ը գրում է․
«Սիսիանի քահանա տեր Պարգև Զեյնալյանի տան խուզարկության մասին մամուլում տարածված լուրերի վերաբերյալ այս պահին ոչինչ չեմ կարող ասել՝ ո´չ հաստատել, ո´չ հերքել դրանք», - ասում է Մայր Աթոռ Սուրբ Էջմիածնի տեղեկատվական համակարգի տնօրեն Տեր Վահրամ քահանա Մելիքյանը, «Փաստինֆո»-ի հետ զրույցում ադրադառնալով քիչ առաջ տարածված այն լուրերին, թե Սիսիանի Սբ. Գրիգոր եկեղեցու հոգևոր հովվի տանը վարչապետի հրահանգով խուզարկություն է իրականացվում։
«Հայաստանի Հանրապետության յուրաքանչյուր քաղաքացի իրավունք ունի արտահայտելու իր քաղաքացիական կեցվածքը, երբ վիրավորված է իր ազգային արժանապատվությունը և վտանգված հայրենիքի անվտանգությունը: Քահանան նույնպես Հայաստանի Հանրապետության քաղաքացի է»,-ավելացրեց Տեր Վահրամ քահանա Մելիքյանը։
Հիշեցնենք, որ այսօր Սյունիք կատարած աշխատանքային այցի ընթացքում, Սիսիան քաղաքում գտնվող Սբ. Գրիգոր եկեղեցու հոգևոր սպասավոր Տեր Պարգև քահանա Զեյնալյանը հրաժարվեց սեղմել ՀՀ-ում վարչապետի աթոռը զբաղեցնող անձի մեկնած ձեռքը, որից հետո, վերջինս վարչապետին դուրս հրավիրեց եկեղեցուց:
Դեպքից րոպեներ անց, մամուլում լուրեր շրջանատվեցին, թե Ոստիկանական ուժերը վարչապետի հրահանգով խուզարկություն են սկսել քահանայի տանը: Լուրերը, սակայն, «Փաստինֆո»-ի հետ զրույցում չհաստատեցին և չհերքիեցին ո´չ տեր Պարգև Զեյնալյանը, ո´չ Սիսիանի համայնքապետ Արթուր Սարգսյանը, որը, ի դեպ, Նիկոլ Փաշինյանի՝ Սիսիան կատարած այցի ընթացքում բացակայել է քաղաքից։ Նա գտնվել է դեպի Տաթև տանող ճանապարհին, որտեղ փակել էին Նիկոլ Փաշինյանի մուտքը՝ Սյունիքի մարզ:
