Իր ներկայությունն ինձ համար ցանկալի չէ, տհաճ է, հետևաբար իր ներկայությամբ ես հոգեհանգստի կարգ չեմ մատուցել։ Այս մասին Tert.am-ի հետ զրույցում ասաց Հայ առաքելական եկեղեցու Շիրակի թեմի առաջնորդ Գերաշնորհ Տ. Միքայել արքեպիսկոպոս Աջապահյանը՝ անդրադառնալով հարցին, թե ինչո՞ւ հոգեհանգստի կարգ չի մատուցել Նիկոլ Փաշինյանի ներկայությամբ։

«Ես չեմ ուզել իր ներկայությամբ հոգեհանգստյան կարգ կատարել, և դա ցանկացած հոգևորականի իրավունքն է։ Հոգևորականը պարտավորված չէ որևէ տեղ որևէ կարգ մատուցել որևէ մեկի ցանկությամբ»,- ասաց նա։

Շիրակի թեմի առաջնորդը նշեց, որ հոգեհանգստի կարգ, այնուամենայնիվ, մատուցվել է․ «Մատուցել է այն հոգևորականը, ում համար տհաճ չէ վարչապետի ներկայությունը»,- ասաց նա։

Հիշեցնենք, որ Նիկոլ Փաշինյանը Գյումրիում էր՝ հարգանքի տուրք մատուցելու 1988-ի Սպիտակի երկրաշարժի անմեղ զոհերի հիշատակին։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել