Tert.am-ը գրում է․
Իրանի Իսլամական Հանրապետության օդուժի հրամանատարը հայտարարել է, որ երկրի Զինված ուժերը պատրաստ է ջախջախիչ պատասխան տալ երկրի սահմանի ողջ երկայնքով թշնամիների ցանկացած արկածախնդրությանը:
Ինչպես փոխանցում է «Մեհր» գործակալությունը, այս մասին բրիգադային գեներալ Ազիզ Նասիրզադեն ասել է Շահիդ Սաթարիի անվան ռազմաօդային ուժերի համալսարանի շրջանավարտների առաջ ելույթ ունենալիս:
«Այսօր Իսլամական հեղափոխության խելամիտ առաջնորդության, խորհուրդների և ղեկավարության ներքո Զինված ուժերը պատրաստ է պաշտպանել Իսլամական Իրանի տարածքային ամբողջականությունը: Զինված ուժերը պատրաստ է նաև վճռական և ջախջախիչ պատասխան տալ թշնամիների ցանկացած արկածախնդրությանը սահմանի ողջ երկայնքով»,- շեշտել է գեներալը:
Նշենք, որ այսօր ավելի վաղ Իրանի բանակի ցամաքային զորքերի հրամանատար, բրիգադային գեներալ Կիոմարս Հեյդարին հայտարարել էր, որ Իրանի սահմանամերձ շրջանների և բնակիչների անվտանգությունը բանակի ցամաքային զորքերի համար «կարմիր գիծն է», և իրենք չեն հանդուրժի բնակչության դեմ ուղղված որևէ սպառնալիք:
Ամբողջական հոդվածը կարող եք կարդալ այստեղ