Panorama.am-ը գրում է․
Արցախցի կանայք և երեխաները, որոնք սեպտեմբերի 27-ին Ադրբեջանի սանձազերծած ագրեսիայի հետևանքով ստիպված են եղել լքել իրենց տները, այսօր վաղ առավոտյան ԵՄ ներկայացուցչության դիմաց բողոքի ակցիա են կազմակերպել։ Նրանց ձեռքերում կան պաստառներ տարբեր գրառումներով՝ «Stop Azerbaijan agression», «Stop Turkey», «Recognize Artsakh»: Նրաք նամակ են պատրաստել և այն ցանկանում են հանձնել ԵՄ ներկայացուցիչներից մեկին։
Ակցիայի մեկնարկն ազդարարվեց Արցախի հիմնի կատարմամբ, ապա «Արցախ» վանկարկումներով։
Հիշեցնենք, որ բազմամարդ բողոքի ակցիաներ արդեն մի քանի օր է, ինչ անցկացվում են։ Նման ակցիաներ են եղել ՄԱԿ-ի գրասենյակի, ինչպես նաև Հայաստանում տարբեր պետությունների դեսպանատների դիմաց։
Ակցիայի մասնակիցները պահանջում են կանգնեցնել ադրբեջանական ագրեսիան։
Ամբողջական հոդվածը կարող եք կարդալ այստեղ։
