Tert.am-ը գրում է․
Լեռնային Ղարաբաղում հրթիռակոծության հետևանքով վիրավորված ռուս լրագրող Յուրի Կոտենոկի առողջական վիճակը գնահատվում է բավարար: Նրան Մոսկվա տեղափոխելու հնարավորության շուրջ որոշումն առաջիկա օրերին կկայացվի, գրում է ՏԱՍՍ գործակալությունը՝ հղում տալով Ռուսաստանի Դաշնության առողջապահության նախարարի օգնական Ալեքսեյ Կուզնեցովի հայտարարությանը։
«Լեռնային Ղարաբաղում վիրավորված ՌԴ քաղաքացի Յ. Պ. Կոտենոկը շարունակում է բուժում ստանալ Երևանի կլինիկաներից մեկում: Նրա վիճակը գնահատվում է բավարար: Հիվանդը գտնվում է Ռուսաստանի առողջապահության նախարարության մասնագետների հսկողության տակ: Առաջիկա օրերին կորոշվի նրան Մոսկվա տեղափոխելու հնարավորության հարցը»,- նշել է նա:
Ավելի վաղ հայտնի էր դարձել Շուշիի Սուրբ Ղազանչեցոց եկեղեցու հրթիռակոծության հետևանքով վիրավորված երեք լրագրողների մասին: Նրանցից երկուսը՝ «Ռուսաստանի սպաներ» պորտալի թղթակից Լևոն Արզանովը և ՌԴ քաղաքացի Հրանտ Բալադյանն արդեն տեղափոխվել են Մոսկվա:
Ամբողջական հոդվածը կարող եք կարդալ այստեղ։
