Tert.am-ը գրում է.
Ապրիլյան պատերազմում զոհված Քյարամ Սլոյանի ավագ եղբայրը՝ Համիկ Սլոյանը, մեկնել է առաջնագիծ:
Այս մասին Tert.am-ի հետ զրույցում ասաց Քյարամ Սլոյանի եղբայրը.
«Եղբայրս մեկնել է կամավոր, որպեսզի կանգնի հերոս տղերքի կողքին»:
Նշենք,որ Հայաստանում ապրող եզդիական համայնքը կամավորական ջոկատ է ձևավորել, ձևավորվելու է նաև երկրորդ ջոկատը։ Առաջին ջոկատին է կամավորագրվել Համիկ Սլոյանը, նրան առաջնագիծ ճանապարհել է մայրը։
Նշենք, որ Համիկ Սլոյանն ամուսնացած է, նրա որդու անունն էլ կնքել են Քյարամ՝ ի պատիվ հորեղբոր:
Հիշեցնենք, որ սեպտեմբերի 27-ին Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։
Արցախի զինուժը խոցել է հակառակորդի 11 ուղղաթիռ, 4 ինքնաթիռ, 96 անօդաչու թռչող սարք, 184 միավոր զրահատեխնիկա, հիմնականում տանկեր, մեկ ինքնաթիռ, 82 ավտոտրանսպորտ, 10 զրահափոխադրիչ, մեկ «ՏՕՍ-1Ա» ծանր հրանետային համակարգ, 2 «Սմերչ» և 1 «Ուրագան» տիպի համազարկային կրակի ռեակտիվ կայանքներ:
Ամբողջական հոդվածը կարող եք կարդալ այստեղ