Մահացել է ԱՄՆ Գերագույն դատարանի դատավոր Ռութ Գինսբուրգը։

Տարիներ շարունակ հետևում եմ ԱՄՆ Գերագույն դատարանի գործունեությանը և պիտի խոստովանեմ, որ դատավոր Գինսբուրգի ծայրահեղ լիբերալ իրավաբանությունը հարազատ չէ իրավունքի իմ ընկալումներին, թեև այդ լեգենդար կնոջ կենսագրությունը լի է հարգանքի արժանի «մասնագիտական սխրանքներով»։

Իմ համակրանքը վայելել ու վայելում է դատավոր Անտոնին Սկալիայի դավանած իրավաբանությունը, որն արմատապես հակադիր էր դատավոր Գինսբուրգինին, և ինձ թվում էր, որ այդ երկու խոշոր իրավաբանները, եթե անգամ իրարից «չեն զզվում», ապա առնվազն անձնական սառը հարաբերություններ ունեն։

Երբ 2016-ի փետրվարին դատավոր Սկալիան վախճանվեց, ամենահուզիչ մահախոսականը հենց դատավոր Գինսբուրգինն էր. պարզվեց՝ երկու «կորիֆեյները» շատ ջերմ ընկերական հարաբերություններ ունեին՝ անկախ իրավաընկալումների արմատական հակադրությունից։

RIP, դատավոր Ռութ Բեյդեր Գինսբուրգ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել