Panorama.am-ը գրում է․
Կանադայի վարչապետ Ջասթին Թրյուդոն և Ֆրանսիայի նախագահ Էմանուել Մակրոնը հեռախոսով բանակցություններ են վարել: Նրանք համաձայնել են, որ անհրաժեշտ է անկողմնակալ հետաքննություն անցկացնել ռուս քաղաքական գործիչ Ալեքսեյ Նավալնիի հետ կատարվածի վերաբերյալ: Այս մասին գրում է kommersant-ը։
«Վարչապետն ու Նախագահը շեշտեցին Ռուսաստանի ընդդիմության առաջնորդ Ալեքսեյ Նավալնիի թունավորման գործով անկողմնակալ հետաքննություն անցկացնելու անհրաժեշտությունը», - ասված է Կանադայի վարչապետի կայքում տարածված հայտարարության մեջ: Կողմերը քննարկել են նաև կորոնավիրուսի համաճարակը, Չինաստանի հետ հարաբերությունները և իրավիճակը Արևելյան Միջերկրական ծովում:
Հիշեցնենք, որ Ալեքսեյ Նավալնին կոմայի մեջ էր օգոստոսի 20-ից սեպտեմբերի 7-ը: Այժմ նա բուժվում է Բեռլինի կլինիկայում: Գերմանիան պնդում է, որ նա թունավորվել է թույնով «Նովիչոկ» խմբի թույնով: Ռուս բժիշկները հերքում են դա:
Սեպտեմբերի 17-ին Եվրախորհրդարանը բանաձև ընդունեց Ռուսաստանի վերաբերյալ՝ կապված Նավալնիի հետ։ Պատգամավորները կոչ արեցին խստացնել պատժամիջոցները Մոսկվայի դեմ և դադարեցնել «Հյուսիսային հոսք 2» -ի կառուցումը:
