Անգամ նրանք, ովքեր իրենց ամբողջ կյանքում չեն տեսել մեկ համր ֆիլմ, հավանաբար գիտեն, թե ով է Չարլի Չապլինը: Դերասան, ռեժիսոր, սցենարիստ, պրոդյուսեր և կոմպոզիտոր: Նա Հոլիվուդի առաջին մեծ ստեղծագործողներից մեկն էր, որը ուժգնորեն առաջ մղեց բոլոր կինոնկարները: Ինչո՞ւ է նա մինչ այժմ համարվում կինոարտադրության ամենատաղանդավոր և ազդեցիկ մարդկանցից մեկը:
Նրա աշխատանքն ազդել է ամբողջ ֆիլմաշխարհի վրա, և Չապլինի գլխավոր հերոսի՝ թափառաշրջիկի կերպարը բազմիցս կրկնօրինակվել և փոխակերպվել է՝ ոգեշնչելով այնպիսի պաշտամունքի կինոնկարների, ինչպիսիք են Ռոուան Աթկինսոնը (իր Միստր Բինի հետ), Մայքլ Ռիչարդսը և նույնիսկ Ջեքի Չանը:
Բայց եթե մտածում էիք, որ ամեն ինչ գիտեք համաշխարհային լեգենդի մասին, ապա դա այդպես չէ: Միգուցե այսօր առաջին անգամ կարդանք նրա մասին հետևյալ փաստերը:
Չարլի Չապլինի տունը կինոստուդիան էր
Հաշվի առնելով, թե որքան էր Չարլին նվիրվում իր սիրած գործին, կարելի է ասել, որ նա բառացիորեն ապրում էր ստուդիայում: Եվ ինչ-որ իմաստով դա ճիշտ է, քանի որ, բացի փաստաթղթային ապացույցներից, որ դերասանը հաճախ քնում էր նկարահանման հրապարակում, 1930-40-ականների կինեմատոգրաֆիստի տունը կառուցել էին բանվորներ, ովքեր ստեղծել էին դեկորացիաներ նրա ստուդիայում: Արդյունքում տունը հաճախ պետք էր լինում վերանորոգել, իսկ Չարլին ինքն այն անվանել է «The Breaking House»՝ փլվող տուն:
Նրա առաջին երեխան մահացել է ծնվելուց 3 օր անց
Մեծ դերասանն ունի 11 երեխա չորս ամուսնություններից՝ տարբեր կանանցից: Բայց Չապլինի առաջնեկը՝ Միլդրեդ Հարիսը, մահացավ ծնվելուց երեք օր անց՝ 1919 թվականին: Նրա գերեզմանաքարի վրա ծնողները գրել են «Մուկ»:
Նոր ժամանակներ ֆիլմի գաղափարը տվել է Մահաթմա Գանդին
Այս ֆիլմը համարվում է Չապլինի առավել ցնցող և տպավորիչ աշխատանքներից մեկը: Արդյունաբերական հեղափոխության թեման, որը ներկայացվել է թափառաշրջիկի անունից՝ սովորական մի տղայից, որը չի ցանկանում լինել գերհզոր արտադրական մեքենայի մի մաս, պատահականորեն չի ծագել:
Ֆիլմը գուցե ընդհանրապես չստեղծվեր, եթե չլիներ Չապլինի զրույցը 20-րդ դարի ամենամեծ մտածողներից մեկի ՝ Մահաթմա Գանդիի հետ, որը տեղի ունեցավ ֆիլմից 5 տարի առաջ:
Հենց Գանդին էր, ով խոսեց կյանքի մեքենայացման մասին և հենց դրա շնորհիվ էր, որ Չապլինը ցանկացավ նման ֆիլմ ստեղծել:
«Նոր ժամանակներ» ֆիլմը պետք է դառնար Չապլինի առաջին ձայնային ֆիլմը
Երբ 1927-ին դուրս եկավ առաջին ձայնային ֆիլմը՝ «Ջազային երգիչ»-ը, համր ֆիլմերն արագորեն կորցրին իրենց արդիականությունը: Չարլի Չապլինը նախատեսում էր «Նոր ժամանակներ»-ը նկարահանել որպես իր առաջին հնչյունային ֆիլմ, բայց հետո հասկացավ ու որոշեց, որ իր կերպարը` Թափառաշրջիկը, դեռ պատկանում է համր կինոյի աշխարհին: Այնուամենայնիվ, ֆիլմում կարելի է լսել տարբեր «համակարգային ձայներ»՝ գործարաններում տեսարանների մեջ գտնվող մեքենաների ձայներ, ինչպես նաև Չապլինի կերպարի կատարմամբ երգը:
Չապլինը ՀԴԲ-ի սև ցուցակում էր հայտնվել
Չապլինի «Նոր ժամանակներ» ռեժիսորական աշխատանքը բուռն քննարկման առարկա դարձավ, քանի որ այն քննադատում էր կապիտալիզմը ամբոջովին, և հատկապես տեխնոլոգիաները: Եվ 4 տարի անց ռեժիսորը թողարկեց «Մեծ բռնապետը» ֆիլմը, որտեղ կրկնօրինակում էր Հիտլերին, քննարկումները մեծ թափ հավաքեցին:
Ութ տարի անց Չապլինը հայտնվեց ՀԴԲ-ի սև ցուցակում իբր «կոմունիստականության համախոհ»: Նրան արգելել են աշխատել Հոլիվուդում և սպառնացել են ձերբակալել, եթե նրան կրկին տեսնեն Ամերիկայում: Չապլինը պատասխանեց, որ ինքը չի վերադառնա Միացյալ Նահանգներ «նույնիսկ եթե Հիսուս Քրիստոսը դառնա նախագահ», սակայն բոլոր կասկածները մաքրելուց հետո, նա, այնուամենայնիվ, գալիս է ԱՄՆ 1972 թ.` Կինոակադեմիայի պատվավոր մրցանակը ստանալու համար:
