Ռուսական Սու-27 կործանիչը չորեքշաբթի օդ է բարձրացել՝ որսալու ամերիկյան հետախույզ ինքնաթիռը Սև ծովի օդային տարածքում: РИА Новости-ի փոխանցմամբ՝ այս մասին տեղեկացրել է ՌԴ պաշտպանության կառավարման ազգային կենտրոնը:
Նշվում է, որ օդային տարածքի վերահսկողության ռուսական միջոցները Սև ծովի չեզոք ջրերի գլխավերևում ՌԴ պետական սահմանին մոտեցող օդային նշակետ են նկատել:
«Օդային նշակետը պարզելու և ՌԴ պետական սահմանի խախտումը թույլ չտալու համար օդ է բարձրացվել Սու-27 կործանիչը, որի անձնակազմը բացահայտել է ԱՄՆ ռազմաօդային ուժերին պատկանող RC-135 հետախույզ ինքնաթիռը, որին ուղեկցել է Սև ծովի օդային տարածքում թռչելիս»,- ասվում է հաղորդագրության մեջ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել