Armsport.am-ը գրում է․
«Բարսելոնայի» ավագ Լիոնել Մեսսիի՝ այլ թիմ տեղափոխվելու խոսակցությունները միջազգային մամուլում չեն դադարում:
Ժամեր առաջ ֆրանսիական L’Equipe-ի փոխանցմամբ, «Պարի Սեն Ժերմենի» սպորտային տնօրեն Լեոնարդոն կապ է հաստատել Մեսսիի հոր հետ։ Վերջինս հայտնել է բրազիլացի ֆունկցիոներին, որ Մեսսին ցանկանում է կարիերան շարունակել «Մանչեսթեր Սիթիում»։
Francefootball հեղինակավոր պարբերականի փոխանցմամբ արգենտինացուն իր կազմում ցանկանում է տեսնել նաև Թուրինի «Յուվենտուսը», որն արդեն կապվել է ֆուտբոլիստի հոր, գործակալ Խորխե Մեսիի հետ:
Նշվում է, որ թուրինյան ակումբը ցանկանում է ստեղծել հարձակվողական դուետ` ի դեմս Մեսսիի ու Կրիշտիանու Ռոնալդուի:
Հիշեցնենք, որ օրեր առաջ հայտնի դարձավ, որ Մեսսին ակումբի ղեկավարությանը հայտնել է թիմից հեռանալու ցանկության մասին: