Armsport.am-ը գրում է․
«Բարսելոնայի» արգենտինացի հարձակվող Լիոնել Մեսսին ընդհատել է արձակուրդը, որպեսզի զրույց ունենա թիմի նոր գլխավոր մարզիչ Ռոնալդ Կումանի հետ։ Այս մասին հաղորդում է Goal-ը։
Ավելի վաղ հայտնի էր դարձել, որ չնայած Կումանի նշանակմանը՝ Մեսսին առաջվա պես վստահ չէ կատալոնական ակումբում իր ապագայի վերաբերյալ։ Ֆուտբոլիստը ցանկացել է զրույց ունենալ հոլանդացի մասնագետի հետ ու դրանից հետո վերջնական որոշում կայացնել։
Հաղորդվում էր, որ 33-ամյա Մեսսին դիտարկում է «Բարսելոնայից» հեռանալու հնարավորությունը, քանի որ դժգոհ է կատալոնական ակումբի ղեկավարությունից։ Խաղացողի պայմանագիրն ակումբի հետ ուժի մեջ է մինչև 2021 թվականի ամառ։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
