Shamshyan.com-ը գրում է․
SHAMSHYAN.com-ի տեղեկություններով՝ ոստիկանության Արտաշատի բաժնի հետաքննչական բաժանմունքում նյութեր են նախապատրաստվում օգոստոսի 17-ին ոստիկանության Արտաշատի բաժին ստացված ահազանգի փաստով։
Ինչպես հայտնում է ֆոտոլրագրող Գագիկ Շամշյանը, այդ օրը ոստիկանության Արտաշատի բաժին է դիմել Երևանի բնակիչ Բաբկեն Հ-ն և հայտնել, որ օգոստոսի 14-ի ժամը 18։00-ից մինչև օգոստոսի 17-ի ժամը 10։00-ն ընկած ժամանակահատվածում անհայտ անձը կամ անձինք իրենց կուսակցության՝ Արտաշատ քաղաքի Խարազյան փողոցի թիվ 1 հասցեում գտնվող գրասենյակի շենքի մուտքի վերևի հատվածում ամրացված «Հայրենիք» կուսակցության երկու դրոշները գողացել են։
Աղբյուրի տեղեկություններով՝ ահազանգող Բաբկեն Հ-ն նշված կուսակցության Արտաշատի մասնաճյուղի ղեկավարն է։
Նյութի աղբյուր՝ https://shamshyan.com/hy/article/2020/08/19/1162562/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել