Aysor.am-ը գրում է․
«Մեդիա Վահան 2020»՝ այսօր կայացած մրցանակաբաշխության ժամանակ «Ամենասկանդալային քաղաքական գործիչ» անվանակարգում հաղթող ճանաչվեց ԲՀԿ-ական պատգամավոր Գևորգ Պետրոսյանը:
Ինչպես նշվեց, պայքարն այս անվանակարգում բավական թեժ է եղել, քանի որ նույն կոչմանն արժանանալու հավակնել են նաև իմքայլական պատգամավոր Հայկ Սարգսյանը և «ՎԵՏՕ» շարժման հիմնադիր Նարեկ Մալյանը:
Մրցանակն ստանալիս Պետրոսյանը նշեց, որ ինքը շարունակելու է նույն աշխատաոճը՝ սուր և կտրուկ գնահատականներ տալով ամենատարբեր երևույթներին:
«Ամենադրական հանրային գործիչ» անվանակարգում հաղթող ճանաչվեց ՀՀ պաշտպանության նախարար Դավիթ Տոնոյանը: Մրցանակը հանձնվեց ՊՆ մամուլի խոսնակ Շուշան Ստեփանյանին: Վերջինս նշեց, որ մրցանակը խթան կհանդիսանա իրենց համար, և իրենք կանեն լավագույնը՝ հաջողելու իրենց աշխատանքում:
Ինչ վերաբերում է մյուս՝ «Լավագույն մեդիա» անվանակարգին, ապա այստեղ լավագույնը ճանաչվեց «Անտիֆեյք էյեմ» կայքը:
Ամբողջական հոդվածը կարող եք կարդալ այստեղ։