Armenpress.am-ը գրում է․

ԱՄՆ-ի պետքարտուղար Մայք Փոմպեոն մշտապես քննադատում եւ մեղադրում Է Չինաստանին, որտեղ որ մեկնում Է, նա ամենուրեք ապատեղեկատվություն եւ «քաղաքական վիրուս» Է տարածում: Այդ մասին, ինչպես տեղեկացնում Է «Արմենպրես»-ը, օգոստոսի 12-ին կայացած ճեպազրույցում հայտարարել Է ՉԺՀ-ի ԱԳ նախարարության պաշտոնական ներկայացուցիչ Չժաո Լիցզյանը: «Փոմպեոն, ղեկավարվելով սառը պատերազմի եւ սեփական շահամոլական գաղափարներով, կրկին եւ կրկին անհիմն կերպով քննադատում Է Չինաստանի Կոմկուսին, ինչպես նաեւ ՉԺՀ-ի ներքին ու արտաքին քաղաքականությունը:

Չինաստանն արդեն բազմաթիվ անգամ իր վճռական դիրքորոշումն Է հայտնել այդ առնչությամբ»,-հայտարարել Է Չժաո Լիցզյանը: Չինաստանի արտաքին քաղաքական գերատեսչության ներկայացուցիչն ընդգծել Է, որ Փոմպեոն որտեղ որ մեկնում Է, ամենուրեք ապատեղեկատվություն եւ «քաղաքական վիրուս» Է բերում ու տարածում: Դիվանագետի խոսքով՝ Փոմպեոն եւ նրա նմանները փորձում են «միջազգային հանրակցությանը կապել հակաչինական ու հակակոմունիստական կառքին», սակայն միջազգային հանրակցությունը չափազանց պարզորոշ կերպով դա տեսնում Է եւ թույլ չի տալիս իրեն համոզել, ուստի այդ փորձերը հաջողությամբ չեն պսակվում, հաղորդել Է ՌԻԱ Նովոստին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել