Pastinfo.am-ը գրում է․
Հայտնի գործարար Խաչատուր Սուքիասյանի, նույն ինքը՝ Գռզոյի կրտսեր եղբոր կողմից մոսկվաբնակ գործարարի Օնիկ Կարապետյանին ծեծի ենթարկելու դեպքի առթիվ հարուցվել է քրեական գործ։ Այս մասին «Փաստինֆո»-ն տեղեկացավ Ոստիկանության լրատվության վարչության պետի տեղակալ Էդգար Ջանոյանից։
Նրա փոխանցմամբ՝ քրեական գործն ուղարկվել է ՔԿ՝ նախաքննության։
Ինչպես արդեն տեղեկացրել ենք՝ միջադեպը տեղի է ունեցել «ՍԻԼ Կոնցեռն» ՍՊԸ-ի հիմնադիր, գործարար Խաչատուր Սուքիասյանին պատկանող գրասենյակներից մեկում՝ հուլիսի 21-ի ուշ երեկոյան, գործարարի նկատմամբ կիրառված բռնության ժամանակ կոտրել են գործարարի քիթը։ Ընդ որում՝ մամուլում հայտնվել էր նաեւ գործարարի լուսանկարը՝ բռնության հետքերով։
Կատարվածի մասին ոստիկանությունը հաղորդում էր ստացել հուլիսի 22-ին Էրեբունի բաժնում, որի ժամանակ քաղաքացին հայտնել էր, որ նախորդ օրը՝ ժամը 23–ին Զավարյան փողոցում վիճաբանության ժամանակ իրեն ծեծի են ենթարկել։
