Hraparak.am-ը գրում է․
Դիմել եմ ԵՊՀ Միջազգային հարաբերությունների ֆակուլտետի համար ,ստացել եմ 11,5 միավոր, բայց միջազգայինից բացի դիմել են նաեւ 8 տարբեր այլ բաժիններ ընդունվելու համար, սակայն ոչ մի տեղ չեմ անցել։ Լրագրողների հետ զրույցում նշեց ԳԹԿ շենքի դիմաց բողոքի ակցիա իրականացնող դիմորդներից Աստղիկ Ղազարյանը։
«Ես նայում եմ և իմ բաժնից հետո գալիս է հանրային կառավարումը և քաղաքագիտությունը։ Իրենք ընդունվում են ընդամենը 7,5 բալով, ես ընդհանրապես չեմ ընդունվում։ Խնդրում եմ, ինձ կարո՞ղ եք բացատրել՝ որտեղ է արդարությունը», -ասաց դիմորդը։
«Մենք այդ փոփոխությունների մասին չենք իմացել։ Բա էլ ինչու են նշում 8 բաժին, եթե այդ բաժիններից ոչ մեկը չենք անցնելու Թող մեզ տեղեկացնեին ,մենք էլ ավելի ցածր բաժիններ նշեինք, միանգամից նշեինք այն ֆակուլտետը, որտեղ վստահ ենք, որ կանցնեինք»,- նշեց Ղազարյանը , հավելելով, որ տեխնիկական խնդիրներ էլ են եղել, որոնք ևս դիմորդներին սթերսի մեջ են գցել, չգիտեն՝ ով է պատասխան տալու տեղի ունեցածի համար։
«Պատկերացնու՞մ եք, ինձ նամակ է գալիս, որ ես ընդունվել եմ, հետո նորից նամակ է գալիս , թե չեք ընդունվել »,- ասաց դիմորդը ։
