Կոկա-Կոլան դադարեցնում է գովազդը բոլոր սոցիալական ցանցերում

Panorama.am-ը գրում է․

Ոչ ալկոհոլային ըմպելիքներ արտադրող խոշորագույն «Coca-Cola» ընկերությունն առնվազն 30 օրով դադարեցրել է բոլոր սոցիալական ցանցերում գովազդի տեղադրումը՝ Facebook-ին հայտարարված բոյկոտի ֆոնին: Ընկերության կայքում գործադիր տնօրեն Ջեյմս Քուինսի հրապարակած հայտարարության մասին հայտնում է «ՌԻԱ նովոստի»-ն:

«Աշխարհում ռասիզմի տեղ չկա: Եվ սոցիալական ցանցերում ռասիզմը տեղ չունի: «Coca-Cola» ընկերությունն առնվազն 30 օր կդադարեցնի վճարովի գովազդի տեղադրումն ամբողջ սոցիալական մեդիա հարթակներում»,- ասել է Քուինսը:

Ընկերության ղեկավարը հավելել է, որ այս ընթացքում ընկերության ղեկավարությունը կվերանայի գովազդի քաղաքականությունը և կորոշի՝ դրանում փոփոխություններ կատարելու հարցը:

Ամբողջական հոդվածը կարող եք կարդալ այստեղ