Aysor.am-ը գրում է․
Կառավարության այսօրվա նիստին վարչապետ Նիկոլ Փաշինյանը անդրադարձավ կորոնավիրուսի աճի տեմպերին՝ ասելով, թե նախկինում գիտեին, որ վարակակիրների թիվը հնարավոր է 60-100 հազար լինի։
Վարչապետը Առողջապահության նախարար Արսեն Թորոսյանից հետաքրքրվեց, թե նոր ախտորոշումները որքան են իրենց իմացած թվի շրջանակներում և որքան է աճում այդ թիվը:
Առողջապահության նախարար Արսեն Թորոսյանը նշեց, որ ավելի քիչ վարակակիր ունենք հարյուր հազարից, իսկ ակտիվ վարակակիրների թիվը դժվար է հաշվել:
«Երիտասարդների մոտ հայտնաբերված դեպքերի տարածվածությունը շատ չի աճում, իսկ որքան տարիքը բարձրանում է, այնքան տարածման տեմպը աճում է», - ասաց նա՝ տեղեկացնելով, որ Վանաձորում երկու շաբաթվա ընթացքում աճել էր տեմպը, իսկ Երևանը, կարծես, դարձել է մեծ օջախ, թեև մեծ բռնկումներ վերջին շրջանում չկան:
«Կարելի է ասել՝ վարակը ամենուր է և կանոնները պահելով՝ պետք է պաշտպանվենք դրանից», - ասաց նա:
Ամբողջական հոդվածը կարող եք կարդալ այստեղ։