News.am-ը գրում է․
Երեկ տեղացած ուժեղ կարկուտից մեծ վնասներ է կրել Ախուրյան խոշորացված համայնքի Այգաբաց գյուղը: Այս մասին NEWS.am-ի հայտնեց Ախուրյան խոշորացված համայնքի ղեկավար Արծրունի Իգիթյանը:
Նրա խոսքով` համայնքի 1045 հեկտար ցանքատարածությունից շուրջ 800 հեկտարը վնասվել է, հիմնականում տուժել են ցորենի եւ գարու ցանքատարածությունները եւ կարտոֆիլի դաշտերը:
«Այս պահին դեռ հանձնաժողովը ճշտում է վնասների չափը որպեսզի ներկայացնեն Կառավարությանը»,- ասաց նա:
Նա հավելեց, որ այսօր էլ է կարկուտ տեղացել արդեն Կառնուտ, Բասեն, Կամո եւ Հովիտ համայնքների որոշ մասերում: Այդ համայնքներում վնասների չափը ճշտվում է:
Նյութի աղբյուր՝ https://news.am/arm/news/586707.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել