Aysor.am-ը գրում է․
ԲՀԿ առաջնորդ Գագիկ Ծառուկյանի փաստաբան Էմին Խաչատրյանի գնահատմամբ՝ ԱԱԾ-ն իր պաշտպանյալի նկատմամբ «շոու» է կազմակերպել.
«Ի սկզբանե շոուն կազմակերպվեց քրեական գործերի մի քանի հաղորդագրություններով, անձին հրապարակայնորեն մեղադրում են պետությանը հասցված խոշոր վնասների, ինչպես նաև՝ հարկերից խուսափելու, ապօրինի ձեռնարկատիրության համար։ Գալիս են խուզարկության ընտրակաշառքի գործի հետ կապված, և գլխավոր դատախազի միջնորդությունը վերաբերում է միայն ընտրակաշառքին, սակայն ուսսումնասիրելով այդ նյութերը, հստակ կարող ենք արձանագրել, որ այս գործերը շինծու են։ Բացի դրանից, որևէ կոնկրետ ապացույց չկա ներկայացված միջնորդության մեջ, որը կհիմնավորի այն հանգամանքը, որ պարոն Ծառուկյանը որևէ առնչություն ունի այդ ընտրակաշառքի կամ որևէ անձանց հետ, ովքեր այդ գործով անցնում են որպես մեղադրյալ», - «Կենտրոն» հեռուստաընկերության հետ զրույցում ասել է Գագիկ Ծառուկյանի պաշտպանը։
Նա նշել է, թե այդ քրեական գործում Գագիկ Ծառուկյանի վերաբերյալ որևէ ցուցմունք գոյություն չունի։
Ամբողջական հոդվածը կարող եք կարդալ այստեղ
