News.am-ը գրում է․
Անձնական տվյալների հետ կապված այսօր որեւէ խնդիր չեմ տեսնում, որովհետեւ անձնական տվյալ է համարվում այն տվյալների համակցությունը, որով հնարավոր է անձին նույնականացնել։ Այս մասին այսօր՝ հունիսի 5-ին, լրագրողների հետ զրույցում ասաց «Իմ քայլի» պատգամավոր Արմեն Խաչատրյանն՝ անդրադառնալով ՀՀ վարչապետ Նիկոլ Փաշինյանի կողմից վերջին օրերին ֆեյսբուքյան իր էջում այն քաղաքացիների լուսանկարների հրապարակմանը, որոնք խախտում են հակաճգնաժամային կանոնները։
«Այսինքն՝ պետք է լինի անուն-ազգանուն, տարիք, հասցե։ Եթե դեմքը կա, դա անձնական տվյալների հրապարակում չէ։ Եթե քաղաքացիները բողոքում են, ապա թող բարի լինեն՝ դիմակ կրեն եւ չհայնտվեն այսպիսի հրապարակումներում։ Վարչապետի այդ գործողությունները ես գնահատում եմ բավականին պրոֆիլակտիկ եւ հակականխիչ։ Ես նկատել եմ, որ այդ հրապարակումներից հետո մեր հանրության շրջանում դրական տեղաշարժ է նկատվել. մեկը մյուսին սկսել են դիտողություն անել, պահանջել որ դիմակ կրեն։ Անձամբ այդպիսի դեպքերի եմ երեկ ականատես եղել եւ շնորհակալություն եմ հայտնել»։
