168.am-ը գրում է․

Վարչապետ Նիկոլ Փաշինյան այսօր ճեպազրույցում անդրադարձավ իր և ընտանիքի առողջական վիճակին:

Նա տեղեկացրեց, որ ընտանիքով անցել են մանրամասն բժշկական զննություն և այս պահին որևէ ախտանիշ չունեն, այսինքն՝ վիրուսն անցնում է անախտանիշ պայմաններում, չունեն ջերմություն, թոքաբորբ կամ նման երևույթ:

«Թեև հավանականություն կա, որ մեր վիճակը կվատանա, բայց այդ հավանականությունը շատ փոքր է գնահատվում, մինչ այս Հայաստանում եղած դեպքերի վերլուծությամբ»,- եզրափակեց վարչապետը:

Հիշեցնենք, որ հունիսի 1-ին վարչապետ Նիկոլ Փաշինյանը ֆեյսբուքյան ուղիղ եթերում հայտնեց, որ կորոնավիրուսի թեստ է հանձնել և պատասխանը դրական է, ինչը ենթադրում է, որ ինքը և ընտանիքի անդմաները վարակվել են կորոնավիրուսով:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել