168.am-ը գրում է․

Ամերիկայի նախագահը Twitter-ի հետ հակամարտությունը նոր մակարդակի է հասցնում:

ԱՄՆ նախագահ Դոնալդ Թրամփը հայտարարել է, որ մտադիր է սահմանափակել երկրում Twitter սոցիալական ցանցի հասանելիությունը: Այդ մասին հայտնում է Business Insider-ը:

«Կարծում եմ, որ կարող էի փակել այն: Բայց պետք է անցնել իրավական ընթացակարգեր: Եթե դա հնարավոր լիներ օրինականորեն փակել, ես դա կանեի»,- ասել է Թրամփը։

Նախագահի ելույթը տեղի է ունեցել ամերիկյան սոցիալական ցանցերը կարգավորելու մասին հրամանագրի ստորագրումից գրեթե անմիջապես հետո` «կանխելու համար գրաքննությունը և կողմնակալությունը»: Դրանից առաջ Twitter-ում հայտնվել էր տեղեկատվության վավերացման գործառույթ, և Թրամփի մի քանի գրություններ ճանաչվեցին՝ որպես կեղծ տեղեկություններ պարունակող տեղեկություններ:

ԱՄՆ նախագահն իր որոշումը բացատրել է համացանցում քննարկումների ազատության և բացության պահպանման ցանկությամբ: «Մենք չենք կարող թույլ տալ, որ սահմանափակ թվով առցանց հարթակներ ընտրեն այն բառերը, որոնցով ամերիկացիները կարող են հաղորդակցվել ցանցում»,- ասել է Թրամփը:

Սոցցանցի ներկայացուցիչներն ասում են, որ տեղեկատվության ստուգման նոր քաղաքականությունը միտված է քաղաքացիական հասարակության ամբողջականության պահպանմանը: Փորձագետներն իրավացիորեն նշում են, որ նախագահը նրանց հետ տարաձայնության պատճառով սոցիալական ցանցերը վերահսկելու կամ փակելու իրավասություն չունի: Որոշ փորձագետներ կարծում են, որ Թրամփի նոր հրամանն ապօրինի է, քանի որ նա անտեսում է տարիներ շարունակ կայացած դատական պրակտիկան (Միացյալ Նահանգներում դատական նախադեպը կարևոր տեղ է գրավում իրավունքի աղբյուրների շարքում):

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել