Դիմացինին համակրելու հարցում մեծ նշանակություն ունի ձայնը, անգամ որոշիչ: Ճապոնիայում, օրինակ, գեյշաները հրաշալի տիրապետում էին ձայնի արվեստին: Նրանք տղամարդկանց խելքահան էին անում ոչ միայն մարմնի լեզվով, այլեւ ձայնի օգնությամբ: Ձայնի ազդեցության մասին է վկայում նաեւ հեռախոսային սեքս ծառայությունների տարածվածությունը, եւ չի բացառվում, որ դյութիչ ձայնի տիրուհիներն, ովքեր միայն զրուցելով խելքահան են անում հազարավոր բաժանորդների, իրականում ցանկալի արտաքին չունենան: Ուսումնասիրության համաձայն` էրոտիկ տեսարաններով ֆիլմերի ազդեցությունը եւս նվազում է, եթե այն դիտում ենք առանց ձայնի: Մասնագետները փաստում եմ, որ հատկապես ցածր, հանդարտ ձայնն է ակտիվացնում հակառակ սեռի սեռական ցանկությունը:
Հետաքրքիր է, որ կանայք նույնչափ գրգռվում են տղամարդկանց տնքոցներից, ինչպես տղամարդիկ` կանանց: Սակայն ինչպես կենդանական աշխարհում, այնպես էլ մարդկանց դեպքում հույզերն արտահայտում են կանայք: Ի դեպ, կենդանիներից միայն շիմպանզեներն են մարդկանց պես աղմկում սեքսի ժամանակ, սակայն եթե այդ ընթացքում տարածքում ավելի «գեղեցկադեմ» շիմպանզե է հայտնվում, ապա էգ շիմպանզեն պարզապես լռում է:): Ինչեւէ, ձայների ազդեցության ուժը գիտակցելով` կանայք կարող են հեշտությամբ ձեւացնել եւ օգտագործել այն:
Մեծ Բրիտանիայի «Լիդս» համալսարանի գիտնականները փաստում են, որ կանայք, ցանկանալով գոհացնել զուգընկերոջը, ձեւացնում են, թե օրգազմ են ստանում` օգտագործելով ձայնն ու շնչառությունը: Ձայնարկությունները կիրառում են նաեւ սեռական ակտի ավարտն արագացնելու նպատակով:
Սեքսի ժամանակ տեղին են հաճոյախոսությունները: Օրինակ, եթե տղամարդուն ասում եք` «Այս ինչ մեծ է», նույն ազդեցությունն ունի, եթե տղամարդը կնոջն ասի․ «Ինչ սիրուն ես» կամ «Սիրում եմ քո մարմինը»: Կարեւոր է նաեւ ասել այն, ինչ ուզում ես, որ նա անի քեզ հետ: Ցանկությունների բարձրաձայնումը առավելագույն հաճույքի երաշխիքներից է: Տղամարդիկ սիրում են լսել, թե ինչ է ուզում կինը, այլ ոչ թե գուշակել: Հրահրեք տղամարդուն հատուկ բառերով, նրա մեջ արթնացրեք որսորդին, ով սիրում է տիրանալ:
Հետաքրքիր է իմանալ, թե սեքսի ժամանակ ինչ բառեր են ամենից հաճախ օգտագործում այլազգի կանայք: Այսպիսով` սլովակուհիներն ասում են` «Այո, ավելի արագ», գերմանուհիներն ասում են` «Օ յեհ, օ յեհ», հունգարուհիները` «Իգեն- իգեն», պորտուգալուհիները` «Սիմ-սիմ», վրացուհիները` «Միդի-միդի»: