Aysor.am-ը գրում է.
Թեև կառավարությունը ջանք չի խնայում պաշտպանելու գրանցված և չգրանցված աշխատողներին, բայց որոշ գործարարներ իրենց ոտքերն են սրբում աշխատանքային իրավունքերի վրա, ԱԺ-ում ասաց փոխխոսնակ Լենա Նազարյանը։
Նա նշեց՝ որոշ սրճարանատերեր ստիպել են սոցիալական աջակցության շահառու դարձած աշխատակիցներին փողն իրենց հետ կիսել։
«Այսօր խոսվեց, որ «Արարատ ցեմետը» հրաժարվել է ութ աշխատողների աշխատանքային պայմանագիր երկարացնել՝ իմանալով, որ այս պայմաններում մարդիկ չեն կարող բողոքել։ Սեփական բիզնեսի շահերը պաշտպանող խմբակցությունն ասաց, որ քաղաքական ենթատեքստ չկա, իրավական հարցեր են, բայց պարոն Աբովյան, երբ մոտենում եք այստեղ, մարդկանց սովելուց եք խոսում, գուցե ջանք գործադրե՞ք, որ մարդիկ առանց գործի չմնան», - ասաց նա։
Նազարյանին նախ արձագանքեց «Բարգավաճ Հայաստան» խմբակցության պատգամավոր Միքայել Մելքումյանն՝ ասելով.
«Ի՞նչ ա նշանակում սեփական բիզնես շահերը պաշտպանող խմբակցություն։ Չեմ համարում, որ դա կոռեկտ էր և տեղին, այդպիսի խմբակցություն չկա։ Եթե աշխատանքային պայմանագրի հետ կապված հարցեր են քննարկում ու դրա հետ կապված իրավական գնահատականներ են տրվում, նշանակո՞ւմ է բիզնես շահեր ենք պաշտպանում»։
Ամբողջական հոդվածը կարող եք կարդալ այստեղ
