ՀՀ փոխվարչապետ, արտակարգ դրության պարետ Տիգրան Ավինյանը «Արտակարգ դրության իրավական ռեժիմով պայմանավորված ՀՀ ողջ տարածքում կիրառվող սահմանափակումների վերաբերյալ» որոշման մեջ փոփոխություններն ու լրացումներ է կատարել:
Որոշման համաձայն՝
1. Թույլատրված՝ բնակության, ինքնամեկուսացման կամ աշխատանքի վայրից քաղաքային բնակավայրերում առավելագույնը 500 մետր, իսկ գյուղական բնակավայրերում առավելագույնը 1 կիլոմետր հեռավորության վրա գտնվող առեւտրի իրականացման վայրեր եւ դրանցից դուրս գործող առեւտրի օբյեկտներ հաճախելը:
2. Բնակության վայրից ոչ ավել, քան 1 կիլոմետր հեռավորության վրա ֆիզիկական վարժություններ կամ հեծանվավարություն իրականացնելը:
3. Բնակության վայրից ոչ ավել, քան 1 կիլոմետր հեռավորությամբ զբոսնելը՝ ոչ ավել, քան 2 չափահաս անձով կամ ընտանիքի անդամներով:
Սահմանված դեպքերում անհրաժեշտ է տեղեկությունները պարունակող թղթային կամ հեռախոսային հավելվածի միջոցով լրացված թերթիկի եւ անձը հաստատող փաստաթղթի առկայություն:
Սույն որոշումն ուժի մեջ է մտնում հրապարակման պահից: