Կորոնավիրուսային այս ռիթմի տակ սահուն, աննշմար, ինչպես մութի թեւ, գնաճը Covid-19-ի արագությամբ տարածվում է գրեչկայից մինչեւ էկզոտիկ ավոկադո ու խիստ ազգային պոմիդոր-բիբար։

Նախօրեին Տնտեսական մրցակցության հանձնաժողովի նախագահը մաժոր տրամադրությամբ հայտարարեց, որ գնաճ չկա, ու все под контролем.

Քանի օր է՝ սոցիալական ցանցերը ողողված են կորոնավիրուսային ժամանակներում ապրող մեր քաղաքացիների կատարած գնումների զարմացած կտրոններով։

Կոճապղպեղ, նույն ինքը՝ իմբիրը, կիլոգրամը 2900 դրամից մի քանի հարյուր տոկոս աճ է տվել, լիմոնը՝ մի 100 տոկոս աճ, հնդկաձավարը՝ լրջոտ աճ, պոմիդոր-բիբար դուետի մասին արդեն ասացի։

Եւ քանի որ ցանկություն չկա հատ-հատ թվարկելու բանջարա-բոստանային, ձավարային ու սպառողական զամբյուղի առաջին անհրաժեշտության բոլոր կուլտուրաները, պարզապես կուզենայի իմանալ՝ ո՞ւր է Տնտեսական մրցակցության հանձաժողովը։

Իմացողներին խնդրում եմ ինձ իրազեկել. չեկեր ունեմ փոխանցելու։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել