Aysor.am-ը գրում է․
Ազգային ժողովն այսօր արտահերթ նիստում միաձայն ընդունեց ՀՀ Քրեական և Վարչական իրավախախտումների օրենսգրքերում լրացումներ կատարելու մասին նախագիծը երկրորդ և վերջնական ընթերցմամբ։
Փաստաթուղթը ուղարկվել է նախագահին, որը պետք է այն ստորագրի։
Եթե մեկ օրվա ընթացքում լրատվական գործունեություն իրականացնողը չի հեռացնում հրապարակումը, որի տարածումը արգելված է արտակարգ դրության պայմաններում, ապա սահմանվում է տուգանք նվազագույն աշխատավարձի 500-1000-ապատիկի չափով (500 000 – 1 000 000 դրամ)։
Կառավարությունը, սակայն, այժմ քննարկում է արտակարգ դրության պայմաններում խոսքի ազատության սահմանափակումներ ընդհանրապես չկիրառելու հարցը:
Բացի այդ, արտակարգ դրության ժամանակ մեկուսացման կամ ինքնամեկուսացման պահանջները խախտելու դեպքում սահմանվում է վարչական պատասխանատվություն՝ սահմանված նվազագույն աշխատավարձի 300-500-ապատիկի չափով (300-500 հազար դրամ) կամ կալանքով առվելագույնը 1 ամիս ժամկետով, որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով առավելագույնը 2 տարի ժամկետով կամ առանց դրա։
Ամբողջական հոդվածը կարող եք կարդալ այստեղ։
Նյութի աղբյուր՝ https://www.aysor.am/am/news/2020/03/23/%D5%A1%D5%A4-%D5%BF%D5%B8%D6%82%D5%A3%D5%A1%D5%B6%D6%84%D5%B6%D5%A5%D6%80/1674959
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել