Խոհարարներից շատերը չեն սիրում ռեստորաններ այցելել, իսկ եթե անգամ այցելում են, չեն պատվիրում որոշակի ուտեստներ:
Հոլանդական սոուսներով ուտեստներ
Հոլանդական սոուսը պատրաստում են հում ձվից և կարագից: Մինչև ուտեստի մեջ օգտագործելը այն տաքացնում են, սակայն ոչ այնքան, որ ձվերը ևս եփվեն: Սոուսը հրաշալի վայր է դառնում բակտերիաների բազմացման համար, եթե այն միանգամից չեն ուտում:
Կաթով ըմպելիքներ բարում
Բարմենները տեղյակ են, որ կաթը բարում այնքան էլ եկամտաբեր ապրանք չէ: Այն հազվադեպ են օգտագործում, երբեմն էլ սառնարանից դուրս ու բաց վիճակում բավականին երկար ժամանակ են պահում:
Փոքրիկ ամանների մեջ լցված սոուսներ
Արագ սննդի ռեստորանների մատուցողները հաճախ են խոստովանում, որ սոուսների փոքրիկ ամանները չեն լվացվում մատուցվելուց առաջ:
Հում պրոտեիններ
Սառեցված թունան, հում ծովախեցգետիններն ու այլ հում ծովամթերքները շատ շեֆ-խոհարարների համար տաբու են: Այս մթերքները Հայաստան հասնելուց առաջ բավականին երկար ճանապարհ են անցնում, հետևապես թարմ լինել պարզապես չեն կարող։
Լցնովի գարեջուր
Մի՛ պատվիրեք գարեջուր, որը լցնում են անմիջապես ծորակից, եթե վստահ չեք, որ բարը մաքուր է: Ծորակները մաքրելը բավականին բարդ աշխատանք է, և դրանց վրա հաճախ են բակտերիաներ հավաքվում:
Տնական գինի
Հաճախ տնական գինիները գնացուցակում ամենամատչելին են լինում, այդ իսկ պատճառով մարդկանց մեծ մասը հենց դրանք է պատվիրում: Սակայն տնական գինիները չունեն ստանդարտներ կամ պատրաստման չափանիշներ:
Եվս մի խորհուրդ շեֆ-խոհարարներից. եթե այցելել եք սթեյք-հաուս, ապա մի՛ կերեք պաստա, սրճարանում մի՛ պատվիրեք կոտլետներ: Կերե՛ք այն, ինչ պատրաստելու մեջ մասնագիտացված է հաստատությունը:
