Tert.am-ը գրում է.
Երևանի պետական համալսարանում տիրող անորոշ իրավիճակը բացասաբար է ազդում համալսարանի գործունեության, ուսումնառության կազմակերպման, կրթության որակի վրա: Որքան ձգձգվի այս վիճակը, այնքան հետևանքներն ավելի վատ են լինելու: Այս մասին Tert.am-ի հետ զրույցում ասաց ԵՊՀ քաղաքական ինստիտուտների և գործընթացների ամբիոնի դոցենտ Մենուա Սողոմոնյանը:
«Հենց այսօր Երևանի ավագանու նիստ է տեղի ունեցել, որին 50-ից ավելի մարդ է մասնակցել: Կարծում եմ՝ ԵՊՀ ռեկտորի ընտրությունը ևս շատ կարևոր նշանակություն ունեցող իրադարձություն է և ինչքան շուտ անցկացվի այդ ընտրությունը, այդքան լավ կլինի՝ իհարկե, պահպանելով անվտանգության կանոնները, արտակարգ դրության ռեժիմը»,- նշեց նա:
Հիշեցնենք, որ ԵՊՀ հոգաբարձուների խորհրդի մարտի 23-ին նախատեսված նիստը, որի ընթացքում պետք է ընտրվեր ԵՊՀ ռեկտորը, տեղի չի ունենալու: Նիստի չեղարկումը պայմանավորված է ՀՀ-ում արտակարգ դրություն հայտարարելու որոշմամբ:
Ամբողջական հոդվածը կարող եք կարդալ այստեղ