Aysor.am-ը գրում է.
Մեր տնտեսությանը միանշանակ պետք է աջակցենք, և առաջիկայում կառավարությունն առնվազն 150 մլրդ դրամի աջակցություն կցուցաբերի տնտեսությանը:
«Հարցը հետևյալն է՝ ինչպե՞ս, ո՞ր ճյուղերին, ընդ որում, թե որ ճյուղերին հարցին պատասխանելիս մենք պետք է միտվենք ոչ թե անցյալին, այլ՝ ապագային, ոչ միայն որ ճյուղերին, այլև՝ ինչպես», - ասաց Նիկոլ Փաշինյանը։
Նա տեղեկացրեց, որ կառավարությունը փաթեթ է պատրաստել, ապա մանրամասնեց.
«Մի քանի օրվա մեջ այս փաթեթը կգործարկվի և գործնականում հնարավոր կլինի կիրառել։ Մենք ուզում ենք միջոցներ ձեռնարկել, որոնց արդյունքում ոչ միայն բիզնեսին կաջակցենք, այլև՝ կոնկրետ մարդկանց, համոզված լինելով, որ մեր աջակցությունը կհասնի կոնկրետ մարդկանց։
Առաջին փուլով մենք 25 մլրդ դրամ կհատկացնենք հետևյալ ծրագրին և կասենք, որ այն ընկերությունները, որոնք կվերցնեն վարկ հայաստանյան բանկերից՝ դրամական արտահայտությամբ, իրենց աշխատողների աշխատավարձը վճարելու համար, իրենց հարկային պարտավորություն կատարելու, իրենց կոմունալ վճարները վճարելու, հումք ձեռք բերելու համար, և էլի կետեր կլինեն, կհրապարակվի որոշումը, կառավարությունն այդ վարկի 50%-ը կհամաֆինանսավորի 0 %-ով, իսկ բանկի հատվածի տոկոսը կսուբսիդավորի, որպեսզի այդ հատվածը նույնպես լինի 0 %-ով»։
Ամբողջական հոդվածը կարող եք կարդալ այստեղ
