Վիճակագրության համաձայն՝ աշխարհի բնակչության միայն քառորդ մասն է կարողանում վայելել 8-ժամյա լիարժեք քունը, իսկ քնի տարբեր խանգարումների դրսևորումները տարեցտարի ավելի շատանում են։
Մի քանի «լայֆհաք» ենք պատրաստել, որոնք կօգնեն բարելավել ձեր կյանքի որակը։
1. Քնեք ձախ կողքի վրա. այդպես ավելի առողջարար է
Չնայած մարմնի տեսանելի համաչափությանը, ներքին օրգանների դասավարությունը համաչափ չէ։ Երբ մենք պառկում ենք ձախ կողքի վրա, ստամոքսը՝ ստամոքսահյութի հետ միասին գտնվում է կերակրափողից ներքև։ Այդպիսով փոքրանում է ստամոքսի այրոցի հավանականությունը։
2. Թուլանալու համար մեկ բաժակ բանանի հյութ խմեք
Բանանը, հատկապես դրա կեղևը, հարուստ է մագնեզիումով և հանգստացնող հատկություն ունի։ Բանանի ջուր պատրաստելու համար ձեզ մեկ բանան է անհրաժեշտ և մաքուր ջուր։
• Բանանի երկու ծայրերից կտրեք և եռացրած ջրի մեջ գցեք 10 րոպեով։
• Բանանի ջուրը մաղի միջոցով լցրեք բաժակի մեջ։
• Կարող եք մի քիչ դարչին վելացնել։ Խմեք այն քնելուց անմիջապես առաջ։
3. Փորձեք արթուն մնալ, եթե անքնություն ունեք
Հակասական է հնչում, բայց հետազոտությունները ցույց են տվել, որ եթե անքնության դեպքում պառկեք անկողնում և փորձեք աչքերը բաց պահել և չքնել, շատ ավելի արագ կքնեք։
4. Քնելուց առաջ օճառի պղպջակներ բաց թողեք
Նևրոլոգիայի պրոֆեսոր Ռեյչել Մարի Սալասը խորհուրդ է տալիս օճառի պղպջակներ բաց թողնել։ Սա որպես շնչառական վարժություն է աշխատում։ Այն հանգստացնում է մարմինն ու գիտակցությունը։
5. Ազատվեք սենյակում ժամացույցներից
Ժամացույցներն իսկական սթրեսային գործոն են։ Պետք չէ նայել ժամին՝ անկողնում գտնվելով։ Մի ստուգեք ձեր հեռախոսը քնելուց առաջ, ավելի լավ է այն դրեք մահճակալի տակ կամ դարակում։
6. Եթե չեք կարողանում քնել, վեր կացեք և ինչ-որ բանով զբաղվեք
Եթե ձեզ չի հաջողվում քնել 20 րոպեից ավել, ուրեմն վեր կացեք անկողնուց։ Ինչ-որ մի հանգստացնող բանով զբաղվեք. փազլ հավաքեք կամ նկարեք։ Իմաստն այն է, որ ձեր ուղեղը անքնությունը մահճակալի հետ չասոցացնի։
7. Բուրավետ մոմ վառեք
Բույրի ուժը անհավատալի է, և եթե տհաճ հոտը դիսկոմֆորտ է առաջացնում և լարվածություն, ապա երիցուկի և նարդոսի բույրով մոմերը ձեզ կհանգստացնեն։ Միայն թե չմոռանաք քնելուց առաջ անջատել մոմը կամ հատուկ անվտանգ տարայի մեջ տեղավորել։
8. Մի օգտագործեք կոշտ բարձ, եթե քնում եք փորի վրա
Այդ դիրքով կվնասեք վիզը, քանի որ կոշտ բարձը թույլ չի տալիս գլուխը հարմար անկյան տակ դնել։ Ավելի լավ է փափուկ բարձ դրեք հենց ճակատի տակ և գլուխը կողքի չթեքել։
9. Բարձ և ծածկոց օգտագործեք, որպեսզի լրացնեք մարմնի և ներքնակի միջև տարածությունը
Եթե դուք կողքի վրա եք քնում և հաճախ արթնանում եք ուսերի և կոնքերի ցավով, ապա ձեզ հավանաբար հատուկ ներքնակ է անհրաժեշտ, որը հատուկ փափուկ տեքստուրա ունի ուսերի և կոնքերի հատվածում։ Բայց եթե ի վիճակի չեք գնել այդպիսի ներքնակ, ապա անպայման լրացրեք մարմնի և անկողնու մակերեսի միջև դատարկ տարածությունը։
10. Ծնկները դրեք բարձի վրա
Եթե քնում եք մեջքի վրա, ծնկների տակ բարձ դրեք։ Ձեր մարմնի և ներքնակի միջև ցանկացած այլ հատվածներ լրացրեք բարձերով։ Եթե կողքի վրա եք քնում, ծնկների արանքում մի փոքր բարձ դրեք։
11. Քնից առաջ քառակուսի շնչառություն փորձեք
Քառակուսու կամ ուղղանկյան ձևով շնչելու տեխնիկան օգնում է ավելի արագ քնել և նվազեցնել սթրեսի մակարդակը։
• Ուղիղ նստեք և բերանով դանդաղ շունչ քաշեք։ Կենտրոնացեք այս գործողության վրա։
• Քթով դանդաղ արտաշնչեք՝ մտքում մինչև 4 հաշվելով։
• Հետո պահեք շնչառությունը՝ կրկին մինչև չորսը հաշվելով։
• Նույն ինտերվալով բերանով արտաշնչեք։
Շնչառության վրա կենտրոնանալն օգնում է թուլանալ և մի կողմ դնել խնդիրները։
